დაბალი ბრუნვის მქონე ბიზნესისთვის საგადასახადო ტვირთის შემცირების მიზნით, შემოღებულია რამოდენიმე სპეციალური შეღავათიანი დაბეგვრის რეჟიმი - მიკრო ბიზნესი, მცირე ბიზნესი და ფიქსირებული გადასახადის გადამხდელი.
შეღავათიანი დაბეგვრის რეჟიმით სარგებლობისთვის აუცილებელია შესაბამისი სტატუსის მინიჭების თაობაზე სერთიფიკატის მიღება, რომელსაც განცხადების საფუძველზე კანონმდებლობით განსაზღვრული კრიტერიუმების დაკმაყოფილების შემთხვევაში გასცემს შემოსავლების სამსახური.
| მიკრო ბიზნესის სტატუსი ენიჭება გადასახადის გადამხდელად რეგისტრირებულ ფიზიკურ პირს, რომელიც: | ფიქსირებული ბიზნესის სტატუსი ენიჭება პირს, რომელიც: | მცირე ბიზნესის სტატუსი ენიჭება მეწარმე ფიზიკურ პირს, რომელიც: |
|---|---|---|
| არ იყენებს დაქირავებულ პირთა შრომას და დამოუკიდებლად ეწევა ეკონომიკურ საქმიანობას; | არ არის დღგ-ის გადამხდელად რეგისტრირებული; | არ ეწევა საქართველოს მთავრობის მიერ აკრძალულ საქმიანობას. |
| მოსალოდნელია, რომ მისაღები ერთობლივი შემოსავალი კალენდარული წლის განმავლობაში არ აღემატება 30 000 ლარს, გარდა საქართველოს მთავრობის მიერ განსაზღვრული შემთხვევებისა; | ახორციელებს საქართველოს მთავრობის მიერ განსაზღვრულ საქმიანობას | |
| არ არის დღგ-ის გადამხდელად რეგისტრირებული; | არ ეწევა საქართველოს მთავრობის მიერ აკრძალულ საქმიანობას. | |
| არ ეწევა საქართველოს მთავრობის მიერ აკრძალულ საქმიანობას. |
შენიშვნა:
ფიზიკური პირი - საქართველოს მოქალაქე, უცხო ქვეყნის მოქალაქე, მოქალაქეობის არმქონე პირი.
მეწარმე ფიზიკური პირი - მეწარმე ფიზიკურ პირად ითვლება:
ა) ინდივიდუალური მეწარმე – ფიზიკური პირი, თუ ის, „მეწარმეთა შესახებ“ საქართველოს კანონის მიხედვით, არის ინდივიდუალური მეწარმე;
ბ) ფიზიკური პირი, თუ ის ახორციელებს „მეწარმეთა შესახებ“ საქართველოს კანონის მე-3 მუხლის პირველი და მე-2 პუნქტებით გათვალისწინებულ საქმიანობას.
პირი - ფიზიკური პირი ან იურიდიული პირი საქართველოს სამოქალაქო კოდექსის შესაბამისად, საწარმო ან ორგანიზაცია საქართველოს საგადასახადო კოდექსის შესაბამისად.
| ? შეღავათი და ვალდებულებები | მიკრო ბიზნესი | ფიქსირებული | მცირე ბიზნესი |
|---|---|---|---|
| დაბეგვრა | არ იხდის საშემოსავლო გადასახადს | საქმიანობის სახეების მიხედვით შეიძლება იყოს − დაბეგვრის ობიექტზე − 1 ლარიდან 2000 ლარის ფარგლებში. | დასაბეგრი შემოსავალი იბეგრება 1%-ით; დასაბეგრი შემოსავალი იბეგრება 3%-ით, თუ დასაბეგრი შემოსავალი კალენდარული წლის განმავლობაში > 500 000 ლარზე. |
| მიმდინარე გადასახდელები | არ იხდიან მიმდინარე გადასახდელებს | არ იხდიან მიმდინარე გადასახდელებს | არ იხდიან მიმდინარე გადასახდელებს |
| დეკლალირება | წარადგენენ საშემოსავლო გადასახადის წლიურ დეკლარაციას | არ წარადგენს საშემოსავლო/მოგების გადასახადის დეკლარაციას. | წარადგენენ საშემოსავლო გადასახადის ყოველთვიურ დეკლარაციას |
| სალარო აპარატი | თავისუფლდება სალარო აპარატის გამოყენების ვალდებულებისგან | თავისუფლდება სალარო აპარატის გამოყენების ვალდებულებისგან | არ თავისუფლდება სალარო აპარატის გამოყენების ვალდებულებისგან |
| ხარჯების და შემოსავლების აღრიცხვა | არ არის ვალდებული აწარმოოს შემოსავლებისა და ხარჯების აღრიცხვა | არ არის ვალდებული აწარმოოს შემოსავლებისა და ხარჯების აღრიცხვა | ვალდებულია აწარმოოს ხარჯის აღრიცხვის სპეციალურ ჟურნალი, ამასთან, საქონლის ტრანსპორტირებისას ან/და მიწოდებისას გამოიყენოს სასაქონლო ზედნადები.* |
| სხვა შეღავათი/ვალდებულება | მიღებული მომსახურების ანაზღაურების შემთხვევაში გადახდის წყაროსთან გადასახადის დაკავება არ ევალება. | არ თავისუფლდება გადახდის წყაროსთან გადასახადის დაკავების ვალდებულებისაგან | მიღებული მომსახურების ანაზღაურების შემთხვევაში ვალდებულია გადახდის წყაროსთან დააკავოს გადასახადი; დაქირავებული პირებისთვის კალენდარული წლის განმავლობაში ჯამურად გადახდილი 6000 ლარამდე ხელფასი არ იბეგრება.* |